Problema grandi den e cas a causa cu hopi unidad di Polis mester a activa pa reestablece ordo na e sitio. E incidente a sosode diabierna mainta algo prome cu 10 AM.
Polisnan a bay un cas den Pos Chikito pa un problema den famia ora cu un miembro di famia a fayece e siman aki y no tabatin acuerdo pa cu reparticion di herencia. Aki tur cos a bay totalmente for di man. Discucion a caba den agrecion pa cual Polis a detene un persona. Aki famia a lanta contra di Polis, aki autoridad na e sitio mesora a pidi pa refuerzo. Un cantidad di Polis a yega e adres pa asina por calma e situacion.
Na final di e bululu a detene tres persona, un tabata herida cu kap na cabes pa cual Amublance mester a bin atende.
