Scolnan cu a bende miho den “Kerstkaartenaktie 2017” di ATHA a wordo invita pa un audiencia na Gobernador di Aruba, Alfonso Boekhoudt. E ceremonia a tuma luga na ex cas di Gobernador den Maria Christinastraat na Oranjestad. Tabata un momento masha special pa e tres alumnonan di Prinses Amalia Basisschool cu a sobresali den benta di carchinan di Pasco.
Bou di guia di juffr. Jessica di klas 5A, tres alumno, esta Celine (5A), Joshua (5B) y Zoë (6B) tabatin e honor pa participa na e lansamento di Kerstkaartenaktie 2018.
Masha bunita tambe pa mira dos ex-alumno di PAB, Kaylee y Cienna, awo na Colegio Arubano, cu a sigui cu e trabou voluntario pa bende pa e causa bunita aki.
