Diabierna mainta, manera ya anuncia tabatin un encuentro cu prensa rib’e tema di landspakket, caminda cu nan por a haci diferente pregunta n’e hefenan di departamento di gobierno.
Un di e temanan cu prensa a toca tabata BTW. Tin e plan di impuesto pa 2023, pero cu tin di entendi di e ultimo carta di secretario di estado Van Huffelen cu ainda ta papia cu a bari esaki fo’i mesa pero suspendi pa 2024. Aworaki e ta mustra un tiki confuso si a suspende of a lag’e cay pa un tempo indefini y kico lo bay pasa cu e BTW.
Riba esaki Angeline Thiel di Departamento di Impuesto, a indica cu e BTW, manera cu minister di finansa a anuncia, a para esaki pa 2023. Esey ta tur loke cu sa te asina leu. E minister a indica durante conferencia di prensa cu BTW no ta bay mas na vigor entrante dia prome januari 2023.
Segun secretario di estado Van Huffelen, el a bisa cu no solamente a para esaki pa 2023, pero cu a suspende pa 2024. Pregunta di prensa tabata si esaki ta cuadra cu e BTW e ora ey ainda ta den plan pa 2024.
Indra Zaandam, funcionario encarga cu uitvoeringsrapportage, pa loke ta 2024, ainda no por duna informacion ainda. Pero si loke por bisa, for di banda di Hulanda, ya cu esaki tabata forma parti di e Landspakket, a informa claramente cu e tema ey ta uno importante.
