Ayeranochi durante e Parada di Luz na San Nicolas a presenta un problema durante parada. Un hoben a pasa dal un homber y bay. E yerno y amigo a sali busca e abusado aki y a topa cune tras di Spingfield Supermarket. Ey a cuminsa agridi’e dos contra un. Nan no a conta cu Polis lo yega net den accion pa para e abuso aki!
Precisamente na e momento ey tabatin un patruya di Polis K-9 para eybanda pasobra antisocialnan a corta tur 4 taira di e auto di Polis. El a nota con e dos hobennan tabata maltratando un homber sin compasion.
A interveni y a haya asistencia di un colega cu a yega pa kita e bringadonan. Por mira claramente cu Polisnan a opta pa no uza nan arma reglamentario sino a uza mokete pa para e bringadonan cu pikete.
A detene tur dos bringado y a hiba nan Warda di Polis pa presenta dilanti Fiscal Auxiliar pa duna cuenta di nan delito conoci como “openlijk geweldpleging” den cual tin castigo pisa, pa esunnan cu bringa den grupo riba caminda publico.