Diadomingo atardi, despues di 3:00 pm, a sosode un accidente riba caminda di Noord. Esaki a pasa na altura di Ritz Carlton, unda un UTV V-4002 a termina den cura di The Ritz Carlton.
Un turista Mericano cu tabata disfruta di su dia, su dia a termina den un accidente. Na dado momento brake di e UTV a laga bay y consecuentemente e turista a perde control di e vehiculo. Esey a pone cu el a dal contra di e dicho hotel. El a kibra e hekwerk cu tin y a termina riba e tereno di dicho hotel.
Polis a presenta n’e sitio pa atende cu e situacion. E agentenan policial a bin topa cu e turista altera y e tabata zundra. A notifica e seguro di e accidente y cu esaki a sosode pa motibo di e fayo di e vehiculo mes, pero no di e chauffeur.
