Diabierna atardi algo prome cu 3’or di atardi un patruya riba caya ta bin topa cu un accidente den vecindario di Tanki Leendert.
Esaki a sosode riba e caminda di Shiribana direccion rotonde di Tanki Leendert, na altura di Ruiz Take Away. A nota cu un Honda Accord color preto a dal den un pick-up color cora. Chauffeur di e Accord a bisa cu e brake a faya y e a bay pega tras di e pick-up.
Como un ocupante tabata sinti dolor den pecho, a dicidi di yama ambulance pa control’e. E daño material tabata basta grandi. Asina mes por a move e autonan riba nan mesun forsa for di caminda, pa trafico por a circula.
