Na altura di Rincon prome cu Vader Piet entre otro a haya paña, jerrycan y yamada a drenta ora cu hende eybanda a haya holo di gasolin ta bin fo’i lama. Ora a haci control, personal di Wardacosta y Parke Nacional Arikok, a topa cu varios jerrycan, cada un di 60 liter cu tabata drif.
Tin di nan a yega costa. Tin di nan cu tabata den lama ainda. A haya tambe paña y salbabida (ring). Tur esaki a mira cu a drif y yega tera.
Personal di Wardacosta a lanta helicopter unda cu a cuminsa cu un buskeda. Aparentemente na otro boca tiki mas panort, a haya tambe mas jerrycan.
Tur cos ta indica cu tin boto cu a drenta of algo a pasa. Pero tin boto cu a yega tera y probablemente hende lo a subi tera. Pero esey sigur tabata den ora di marduga. Den dia a bin topa cu tur e materialnan cu a keda atras.
