Diadomingo, den kibra di mey anochi, banda di 2:00 am poco mas pariba di rotonde na Cumana, direccion Morgenster, a sosode un accidente entre un KIA Rio, numera A-44567 y un Nissan March A-73774.
E accidente aki tabatin basta daño material, cu hasta un palo di luz a haya daño.
P’esaki personal di Elmar mester a presenta y atende cu e palo di luz cu a ricibi basta daño.
E KIA, biniendo fo’i Morgenster, direccion Cumana, na un manera of otro, a sinti cu un auto a dal contra dje. Ta mustra cu e Nissan March tabata bin fo’i pabao direccion pariba, segun varios testigo.
Investigacion lo saca afo con e accidente a sosode. Hecho ta cu tin basta daño material n’e KIA Rio colo blauw.
Pa loke ta e Nissan March, el a bay para na ordo banda di caminda y a haya hopi daño. E impacto tabata asina fuerte cu hasta e airbag di e auto a sali.
Specialista di trafico di polis tambe a presenta, mirando cu chauffeur di ambos auto, mirando cu e chauffeur di KIA Rio ta bisa cu e Nissan March tambe tabata biniendo di ariba bay abao. Tin dos version diferente di e suceso cu ta contradeci otro. Awo ta e investigacion tin cu bay saca afo con esaki a sosode.
Parce tambe cu e Nissan March no tin su documentonan na ordo.
Personal di ambulance tabat’ey presente pa asina check un ke otro cu e chauffeurnan, mirando cu e daño tabata basta. Pero no tabata necesario pa transporta ningun di dos pa hospital.
