Diabierna anochi e Radarkamer di Polis a capta un contacto riba nan radar.
A activa unidad na tera y Helicopter. Tambe a avisa Wardacosta. Despues a perde e contacto. A busca basta rato y no a topa cu e boto.
Diasabra mainta trempan informacion a drenta cu a mira un boto pega riba e beach di Dos Playa. Autoridad a bay na e sitio y ta topa cu e boto cu probablemente tabata e contacto di e anochi mas trempan.
Helicopter a lanta y a cuminsa un buskeda den e Rooi cu ta sigui direccion pabou den Parke. Ningun hende a topa cu ne. Tur hende y kizas otro cosnan a pasa bay sin cu a strobanan.
Loke ta cosnan di evidencia a coy tur den beslag na e beach di Dos Playa. E boto a keda atras pendiente kico lo pasa cu ne. Te cu merdia ainda e helicopter di Wardacosta tabata move buscando pa ilegal den Parke Arikok.
E area unda e boto a drenta ta un blindspot. Si no ataca e entrada di e boto ilegal for di trempan biniendo di zuid, e chens cu ora e drenta cierto area no ta mire mas y por drenta na un of otro entrada di Parke Arikok.
