Na Boneiro a inaugura nan pista di fever, esta e Dragstrip Bonaire. Esaki ta algo historico pa nan, unda cu a cuminsa cu e prome fase di e pista di Fever. Pa hopi tempo e coredonan di fever ta desea di tin un pista y awe esaki a bira un realidad.
Terrence De Jongh, director di Instituto di Deporte Boneriano (Indebon), a splica cu nan a cuminsa cu e prome fase di e pista di Drift Fever ta di 2600 meter cuadra y despues lo sigui cu e di dos fase cu ta e pista di ‘quart mile.’ Asina ey nan ta sigui cu henter e proyecto cu ta bay dura dos aña. E ta un proyecto miyonario y ta bay trece su fruta pa Boneiro.
Pa 27 aña nan ta anhela pa yega na un pista. Dia 10 di september a inaugura e pista. Motibo cu a scoge e fecha aki, segun De Jongh, e organisacion di Lando di motorcycle di Harley tin 25 aña ta haci recorido durante Dia di Boneiro, esta 6 di september. Y hopi coredo di Aruba, Corsou, Surnam, Hulanda, Merca, Belgica, Canada ta yega pa participa. E recorido a crece y bira asina grandi cu Indebon a incorpora e apertura den e 25 aña di recorido di e organisacion di Lando.
Segun De Jongh, nan a haci esey specialmente p’e islanan di Aruba y Corsou por tabata presente n’e apertura. Semper e coredonan di Boneiro a participa tanto na Aruba como Corsou. Indebon a haya tabata hopi excelente pa tene e apertura awe, unda tin presencia di e bishitantenan di hermana isla Corsou y Aruba. “Awe por wak e fruta con nos tin yen yen n’e sitio Onima”, el a expresa. N’e momento importante aki, tabatin mas o menos 800 pa 900 hende y esaki tabata un momento historico pa Boneiro.
