Na 2019-2020 e desaroyo di turista crucero di Boneiro tabata drentando den su fase top. Pero a haya nan mes confronta cu Covid-19. Turista crucero a cuminsa bek c’un tendencia di por yega manera e tabata na 2020.
Leopol Lourens, presidente di Bonaire Cruise Tourism Association (BCTA), a expresa cu awo nan ta confrontando problema di beleid cu gobierno a pone na mesa di cual nan kier realisa. Gobierno a hisa e head tax, tambe a para e di dos barco cu tabatin n’e dos piernan y asina a trece problema p’e companianan cu ta traha cu barco crucero. Pa nan e no ta bon, pasobra nan mester bringa pa nan por gana pan awendia. E barconan gusta e isla di Boneiro.
BCTA kier pa tin un gobierno sincero cu ta splica nan kico kier desaroya. Pero tambe kico nan kier haci. Incluso pa nan cuminsa desaroya e producto, pasobra awo ta papia dje beleid di un barco pa dia. BCTA y e hendenan cu ta traha den e parti di barco crucero no sa kico e beleid ta encera. Te aworaki ta trata di un barco pa dia.
Nan kier sa pakico un barco pa dia, ki documento a pone, ki investigacion a haci pa yega na un barco pa dia. Lourens a conta cu awe, diaranson, tin un barco pero e por ta un dia bunita si tabatin e di dos barco. El a splica cu e barco no ta draai y si tabatin e di dos barco, tur hende por a haya un pan. Ningun hende a gana fo’i dje barco.
Pa mas lesa TREMPAN.COM.
