Tabata awe diasabra algo pasa di 12’or di merdia, cu bisiñanan a bati alarma pa holo di huma den Rudolf Arendsstraat. A meldo na 911 cu a saca unidad di bombero y polis pa e siti. Na nan yegada a constata cu un airco grandi na Rudolf Arendsstaat # 41 tabata na candela y sacando hopi huma.
Bomberonan a yega den mas cu un unidad na e sitio di candela. Ey nan a arma un plan di combate y no a dura mucho cu por a mira e slangnan a sali y a cuminsa combati e candela. Den algun minuut nan a anuncia cu nan tin e candela bou di control.
Na e sitio a cuminsa un investigacion poco tecnico pa check kico por a conduci cu e airco a pega na candela. Tin hende ta pensa cu lo por ta un corto circuito di coriente cu tabatin candela como consecuencia. Tur esey lo mester check den siman hunto cui DTI y NV Elmar.
Mester menciona cu, door cu Brandweer a activa asina lihe, cu a limita e daño solamente na e airco, pues casi nada na e propiedad mes.
