Apesar cu na prome instante nan a wordo stroba pa e caravana di partido MEP, candidatonan di UPP/PPA a presenta na Censo pa entrega nan lista. Pa 1’or di merdia nan tin programa pa entrega nan lista. A base di un medaya cu nan a flip, Booshi Wever ta lider di e partido. Te na e momentonan aki, tur partido cu a entrega lista ta entre 8 y 10 candidato. Cu yen di entusiasmo nan a presenta nan lista, y ta spera cu haya sosten di pueblo, pa asina nan forma un grupo pa drenta Parlamento pa realmente bay controla cualkier Gobierno cu sinta y si ta un Gobierno cu nan sostene, tin un control debido pasobra nan no tin donjo. Nan tey pa sirbi e interes di Aruba.
Booshi Wever ta lijsstrekker. Antes Booshi Wever y Benny Nisbet tabata bringa otro politicamente, pero awe nan lo bringa pa Aruba. Tin algo ta wordo bisa semper, sero cu sero no por topa otro, pero hende cu hende si. Ningun coalicion no por bay funciona sin experiencia.
Reaccion
Nan a haya bon reaccion. Ta haya simpatisantenan di AVP mes cu a reacciona riba esaki, segun Wever ta conta.
20 candidato
7 candidato ta di UPP y 13 lo ta di PPA y nan lo ta entregando e lista aki pa sirbi bienestar general di pais Aruba. E pueblo aki a sufri, nos grandinan ta sufri. Pobresa a crece formalmente. nan tambe tin derecho di representacion digno y pesey UPP y PPA lo bay bringa pe. Tin cu agrega cu tin un decision historico, unda cu antayera a yega na e acuerdo pa tin un lider nobo, kende ta sra. Carly Angie y su persona ta e lider di PPA na e momento aki y Nisbet ta djis hiba palabra na e momento aki. E mes ta ocupa number 3.
Ken lo ta riba lista
Tin varios candidato cu ya tin basta tempo caba cu a milita riba ambos partido, entre otro Booshi Wever mes, Benny Nisbet, Raymond Hernandez, Mireille St. Jago, kende anteriormente tabata candidato riba lista di MEP, Eddy Bennet, kende tampoco no ta un figura desconoci.
Unico cambio cu tabata tin, ta cu PPA a haya un lider nobo, un millenial, manera cu tin entendi, cual ta Carly Angie. E lo ta na cabes di PPA y ta number 2 riba e lista combina aki.
Demas candidatonan ta William Woodley, Jeffry di Carlo, Ramon Toussaint, Jackeline Woodley, Diana Hennep, Martin Richardson, Isaac van der Linden, John Peterson, Roberto Tromp, Richard Gibbs, Rafael Wilson, Carlyle Carty, John de Hasseth y Nanette Alders.
Con campaña ta bayendo
A bisa cu nan ta bin di atras y den e prome dianan di campanja nan tabata tin un recepcion enormemente positivo. A cuminsa reparti nan documentonan. Pa San Nicolas nan tin un agenda special y el a wordo tremendamende bon ricibi. PPA lo bishita mas hopi cu por. Lo duna informacion di e programa di PPA en especial y e gruponan cu a kere cu a wordo perhudica durante e periodo cu a pasa, pa asina PPA hunto cu UPP por salba pais Aruba.
Prioridad
Prioridad mester ta tur cos. Tur cos ta un desaster. Tur cos ta malo. en general Ensenjansa esey tabata number uno. Pues nan lo traha riba e terenonan ey.
