Alberto “Beto” Haayen ta un criado di bestia. El a splica cu e problema di mas grandi cu e tin ta cacho. Cacho tin’e tur cunsumi. Den criansa di bestia ta inverti hopi placa y tempo na e bestianan. Den dos pa tres ora ta haya golpinan mortal. Cacho ta drenta distribi e bestianan. Te cu e ultimo dia di Maart so el a perde 7 bestia. Cacho a drenta den cura y laga nan morto.
Haayen a splica cu e ta compronde cu tur hende kier cria cacho. Pero no por cria cacho cu no tin tempo p’e, no ta duna nan cuminda. Den e caso di Haayen, tin tres luna pa e bin haya doño di e cacho. Dialuna, el a haya dos mucha homber ta trahando na dicho cas y a bin avis’e cu tin hopi tempo cu e doño no ta bibando na e adres y laga dos cacho bandona. Un hende cu no come, ta yega na cualkier persona ta ofrece cuminda.
E pober bestianan ey no. Nan ta keda sin come y pesey ora nan yega den cura, nan ta distribi e cabrito y carne. Ta mata nan den Haayen den su propio cura. Si matanan pafo den cunucu of for di cura, y ta mata nan.
Den carne el a perde mas of menos 18. El a perde 10 carne grandi, hopi lamchi tambe. Den cabrito el a perde masha hopi mes. Como 22 cabrito. El a perde un chubato. El a habri’e dia 5 di Maart. Dia 21 di Maart el a perde. E chubato ey cost’e 2000 florin tres aña pasa, trec’e for di Merca pa Aruba. El a ten’e dos aña y mey criando den su cura, pa e bira un chubato completo di 3 aña y mey, pa despues e rasa. 19 dia el a keda den cura y awo el a perd’e.
Ta duro pa haya yudansa. Den criansa bo no ta haya yudansa for di ningun hende. Yudansa cu por haya ta cu nan por hortabo. Coy nan fo’i bo. Ta papia cu un hende, podise e mes no ta bin cohe, pero otro ta bin y bay cu e bestianan. Loke Haayen ta pidi, ta wak si por caba cu poco cacho riba caya. Bay den Bruynewijk, no por pasa, cacho ta ataca. Ora cu mishi cu un cacho, diripente tin doño. Pero manera cu yega na mata bestia, ningun hende conoce.
Laga pasa riba bicicleta of cabay, mester paga tino, pasobra sea cu e cacho ta morde of ta bay pa e rabo di cabay. Y ta cachonan peligroso, pasobra tin di nan ta pitbull, cu ora nan morde no ta laga bay.
Sigur cu mester haci algo. Mirando cu awo tin un ley di cacho, ta sinti cu toch autoridad no ta bin cu man duro riba e situacion aki. E preocupacion ta sigui cu criadonan di bestia, pasobra esaki ta haci cu nan ta demotiva completamente. Ta di spera cu autoridad actua den e caso aki tambe.
