Riu Palace Aruba a organisa un training di biña pa su bartender y waiternan. A haya diferente tip y a siña habilidad nobo pa mehora nan rendimento den nan trabou diario.
Kiume Tjon-A-Tsien di e compania Divino a facilita e curso, splicando diferente aspecto di biña. E training tabata hopi interactivo y entusiasmo durante e training y e grupo a responde den un forma positivo, asina Kiume Tjon-A-Tsien, Gerente di Divino, a expresa.
Pa Divino e grupo tabata uno grandi, un total di 40 empleado di Riu Palace Aruba a participa na e training aki. E training tabata hopi interesante y productivo, pasobra empleadonan a haci pregunta cu Kiume Tjon-A-Tsien a contesta. Esaki tabata e prome parti y lo bay tin un di dos parti di training, den cual empleadonan di Riu Palace Aruba lo purba e biñanan y siña mas di e diferencia di sabor.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.
