Francis Scott Key Bridge na Baltimore, Maryland, a collapse despues cu un barco grandi di container a dal den dje diamars mainta trempan. Informe a drenta rond di 1:40 AM cu un barco grandi a dal den un kolom den e parti memey di e brug cu ta conecta via nort y zuid di Interstate 695, y a pega candela causando cu diferente auto a cay den Patapsco River.
A rescata dos persona di awa di cual uno ta seriamente herida. Autoridad a bisa cu diferente agencia ta den buskeda y rescate tanto aereo como den awa. Esaki lo dura henter dia probablemente.
Informe inicial ta papia di por lo menos shete auto cu a cay den awa, y autoridadnan a informa cu aparatonan a detecta autonan den awa. Sinembargo no a confirma cuanto.
E brug ta un conexion importante cu, hunto cu haf di Baltimore, ta un hub pa barconan den e costa oost.
