Riba dia di Betico, a tuma luga un candela basta feroz cu practicamente a kima un cas completo, lagando un famia desampara. Esaki a tuma luga den Zuidstraat net patras di Casa Deportivo Mario na Playa.
Awo diferente instancia, entre otro Fundacion Arubaanse Domicaanse Juan Pablo Duarte, como diferente otro boluntarionan manera di Fundacion di MMA, a presenta na e vivienda pa asina duna un man pa haci limpi. A cera e caminda cu ayudo di DOW, como tambe Cuerpo di Bombero a duna un man cu a yuda cu varios material.
Un peticion ta bin pa un y tur bin yuda diadomingo awo, duna un man na un prohimo pa e yega bek na su cosnan cu a perde tur cos den un candela.
Pa cualkier contribucion comunidad por tuma contacto cu e siguiente numbernan, 5694136, 5921679 of 5825890. No ta importa rasa, color, nacionalidad. Bin duna un man na bo ruman. Djis cana yega 8’or di mainta y duna bo aporte.