Diahuebs anochi a tuma luga inscripcion pa loke ta Balashi Finals cu lo tuma luga diabierna, diasabra y diadomingo.
Esaki a tuma luga na All to Car (Momo Tires) riba Boulevard. Segun Jason Geerman basta yega a sa di yega, mustrando asina cu tin basta coredor ta decisivo pa cera e aña den bon forma.
Diabierna tur ta cuminsando cu un test & tune. Por ta habri 6’or. Pa 7’or e test & tune ta cuminsa te cu 1’or di marduga. Entrada ta 10 florin y 50 florin pa test vehiculo.
Diasabra lo bira e bracketrace cu ta e careda cu a wordo posponi dia 5 di October. Tur esnan cu a inscribi caba e dia ey, tin cu djis presenta na porta cu nan sticker of nan banchi pa core, automaticamente bo ta drenta bek. Ta muestra cu un recibo pa bo sa cu bo ta den.
Esnan cu no a haci esey, logicamente mester bin inscribi ainda pa core. Esey ta pa e careda di diasabra.
Diadomingo lo bay bira un headsup day. Cu excepcion di Junior Dragster y Import cu ta unico dos categorianan cu ta bracket. Lo bay tin tambe super gas auto, super street auto, supergas bike, supercom bike, Pro Bike, Import y Junior Dragster ta core diadomingo pa asina cera e aña den e categorianan grandi y cu ta core cu traction den e caso aki.
Esey lo bay ta e race season pa 2019. E ora ta keda pendiente pa dia 9 di December, cual lo ta Street Legal Finals, pa asina conclui 2018 pa loke ta trata su Race Schedule.
E Venue
Diasabra e evento lo cuminsa pa 6’or. Porta ta habri 5’or di atardi. Entrada ta 15 florin. Ta core Junion Dragster, Box, no-box, frontwheel drive, lo bay bira e ultimo careda di point series pa 2018.
Diadomingo, dia 2 di December, lo bay ta un headsup day. Porta ta habri 10’or di mainta. Pa 11’or e caredanan lo start.
Tur esaki lo tuma luga na Palo Marga.
Asina ta, marca e fechanan aki den bo agenda y no perde e caredanan aki.
