Diaranson, dia 9 di februari 2022 a presenta e lansamento tan spera di e cerbes nobo di e famia di Magic di Balashi Brewery durante un recepcion cu a tuma luga den Gloria Theater. Magic Orange ya ta disponibel rond di e isla den diferente supermercado, bar y restaurant den boter di 7,4 ons y mas despues den zomer, den draft y den bleki.
Magic Orange ta un Aruba Pale Ale (alcohol/volumen 5%) y e di dos cerbes añadi n’e famia Magic. E cerbes refrescante di colo honing ta provoca e nanishi cu e casca crunchy di e aromanan citrico briyante suavisa p’e holo di e malt cu ta aparece n’e top. E cerbes aki ta suave y facil pa bebe y ta ofrece un balans bibo entre e acides y e sabor dushi di e apelsina, cu suficiente toke riba e lenga pa añadi algo di profundidad na final.
Balashi Brewery a lansa e prome cerbes di e marca Magic, Magic Mango, na 2020. Originalmente traha como un edicion special limita, e popularidad di e cerbes a exigi un luga permanente den e profiel di cerbes di Balashi cu ta inclui e cerbes Balashi original y e faborito di beach, Chill. “E famia di cerbes Magic lo sigui crece cu e edicionnan di fruta nobo, na altura di e momento y di e deseo di e consumidornan di descubri cerbes autentico y local,” Warren Stanley, director general di Balashi Brewery a bisa.
Balashi t’e unico cerbeseria di Aruba cu ta ofrece e reciclahe incentiva, cu e obhetivo a largo plaso di contribui n’e esfuersonan general di sostenibilidad di Aruba, n’e mes momento ta crea consciencia medioambiental y ta recompensa e consumidornan y e empresanan pa participa tambe den e reciclahe pa reduci sushi y mantene e isla limpi y bunita p’e futuro generacion. E cerbes lo ta disponibel riba mercado otro luna.
