Tin un proyecto cu Cuerpo Policial ta bezig cun’e y ta pa alivia un lista largo di hendenan cu kier pasa rijbewijs. Alex Pieters di e departamento di Motor Unit ta splica cu no ta solamente pa alivia e waiting list, pero tambe cu e sistema di examen di rijbewijs y pa pasa rijbewijs, eigenlijk ta hopi outdated, den e sentido cu hopi cos ainda ta wordo haci den buki, hacimento di afspraak y e examennan mes ta preguntanan mondeling y mesa.
A yega den un periodo cu hopi cos ta bayendo digital caba y a dicidi di haci e switch aki, pa cuminsa cu un examen digital y pa haci’e clasical tambe, pa por examina un grupo hopi mas grandi, en bes di dos hende pa ora, pa bay dies hende pa ora.
Cu esaki e examen digital, ta un tiki mas transparente, den sentido cu e preguntanan ta bay wordo haci den forma di multiple Choice y lo bay ta diferente pa cada candidato y traha den su idioma. Lo bay pasa examennan na Hulandes, Ingles, Papiamento y Spaña. E persona, loke e paga pa su categoria na su idioma riba un laptop, unda e ta haya su tempo mara na e examen, pa e pasa esaki cun’e.
Esaki no ta e unico parti di e proceso. E registracion tambe ta trece cambio den dje cu ta haya un manera mas adecua pa registra e personanan cu ta bin aplica pa e examen di rijbewijs, den sentido di tur e documentonan cu e ta trece, nan ta wordo warda den caha, den filekast.
Awor aki lo bay bin cu un sistema mas moderno, unda cu lo bay scan e documentonan aki y pone hunto den su file den sistema. Na cualkier momento despues di tanto aña, ora cu bay bek den e sistema y busca e persona aki, por mira riba su documentonan cu el a entrega, manera papel di dokter, papel di censo, etc. E lo bay bira un manera hopi mas facil y lihe pa por controla datonan di un persona kico tur el a haci den pasado. Asina tambe por hou bij pa e personanan cu nan rijbewijs ta wordo kita door di huez. Por hinca tur esaki den sistema, pa por hou bij un control mas miho riba locual ta e rijbewijsnan cu ta wordo parti na publico y cu ta moviendo rond y e validez di e rijbewijs tambe.
Fecha tentativo
E fecha ainda no ta stipula. Awor aki ta purbando pa otro siman diabierna, si tur cos bay bon, pone un presentacion pa tur rijschool. Una bes cu duna esaki, ta un parti tambe di un tiki di parti di fairplay, pa pone nan tur na altura pa con precies con examen lo ta hinca den otro. Inhoudelijk ki tipo di pregunta nan por spera, con e software lo bay traha, con e persona lo tin cu log in.
Tin cu splica esakinan delanta, pa nan por prepara nan candidato tambe. E pilot lo ta di tal forma, mirando cu nan lo start sali den one shot cu full e sistema. Ta bay wak prome pa tin fayo of cosnan cu no a bay bon, of cosnan cu tin cu drecha of cosnan cu no a pensa riba dje. Kico ta bay haci den e prome fase, ta invita e rijscholen pa bin, lo duna nan un presentacion cu un bon splicacion di loke e examen ta hou in. Den e prome buelta, e rijscholen lo bay haya e opcion pa trece e candidatonan cu ta bon prepara y cu ta capaz of cu ta cla p’e pa haci un examen di multiple choice riba computer.
Den esaki ta bay werk af pa cuminsa 240 hende, kendenan lo haya oportunidad pa pasa e prome buelta di examen.
For di eynan lo bay evalua e sistema pa wak si tur cos a funciona manera debe ser, manera cu tin’e planea. E ora ta bay dal un di dos buelta di 240 hende atrobe. Si tur cos ta bay manera debe ser, e ora ey ta fiha pa entrante 1 di November, tentativo, pa bay full in cu categoria B sistema nobo.
Dicon categoria B prome
Ta bay mas den fase y no den tur categoria pa asina e sistema no pega. Una bes cu categoria B ta full up and running den tur idioma, lo switch cu categoria A. E ora A y B, esta esun di motorcycle y auto lo ta full digital.
