Manera cu Gobierno a anuncia, awe, dia 6 di December, ta Dia Nacional di Luto na Aruba. Riba e dia aki, e rumannan Rishandroh y Eugene lo wordo hiba na nan ultimo luga di sosiego.
Un multitud grandi a presenta for di ayera nochi caba na e velorio na Ad Patres na San Nicolas, sigui pa e dia di entiero mes, esta awe, unda cu tin un programa bon hinca den otro. For di ayera caba, nos hermana Isla Corsou, un di e kleuterschoolnan a tuma su propio despedida mandando blaas laira y awe, un di e speelschoolnan, Debby Doo, tambe a tuma despedida di e muchanan. Desde 1’or por a cuminsa tuma despedida di e angelitonan den misa Santa Teresita.
Pa 2’or y 45 e muchanan di scol di Commandeur Pieterboer kleuterschool lo canta himno di e scol. pa 3’or, prome minister Evelyn Wever-Croes tambe lo duna su discurso. Lo bay tin artistanan cu lo bay duna homenahe na e angelitonan. Pa 3’or y 10, cantante Alaska lo bay canta su cantica dedica na e angelitonan. Jeon tambe lo duna su presentacion na e ocasion aki. Tanto na funeraria como na misa, por bisa cu ta completamente yen. Despues di acto di entiero, lo bay hiba e hobencitonan na nan ultimo luga di sosiego.
