Diasabra ultimo dia 2 di december a tuma lugar e di 18 Charity Golf Tournament organisa pa Rotary Club of Aruba. E aña aki un biaha mas e team dinamico di Rotary Club of Aruba a kibra tur record na unda a recauda masdi Afl. 150.000,- Rotary Club of Aruba ta sumamente contento cu e logro aki. Tur fondo recauda lo bai bek na nos comunidad. E exito aki no tawata posibel sin e sosten continuo di nos “Planitum Sponsors”, cual ta Caribbean Mercantile Bank, Aruba Airport Authority y Tierra del Sol. Un total di 132 hungador a participa diasabra na e prestigioso golf course di Tierra del Sol. E Golf Tournament e aña aki a wordo dedica na Gerald Luidens (q.e.p.d.). Gerald semper tabata forma parti di e comite organisador y tur aña tabata dedica su mes na organisa un exitoso evento. Rotary Club of Aruba kier a honra Gerald su nomber y dedicacion na Rotary y nos comunidad door di nombra e trofeo pa e team ganador na su nomber.
Despues di e torneo a sigui e anochi cu un tremendo dinner y premiacion. E team ganador a resulta e team di AMC Unicon cu tabata consisti di Arnoud van Os, Hans Mondria, Michael v/d Hofstede y Jochem Ros. Sanju Luidens y Vijay Luidens a entrega e trofeorotativo “Gerald Luidens” na e team ganador. Na di dos lugar a keda e team di Aruba Trading Company cu tabata consisti di Marc Henriquez, George Wong, Gerald Sarmiento y Eddy Rivera. E team di ImSan cu ta consisti di Edson Kelly, Clifton Starke, Miguel Roga y Gregory Croeze a keda na di tres lugar. Tambe tabata tin premio pa e “closest to pin” na diferente holes, Betty Green (#3 y #17), Cisco Quant (#15), Joseph Kock (#7) y Lulu Krosendijk (#15).
Ademas di esaki tabata tin rifa cu premionan masha atractivo, entre otro weekend stays, joyas, dinners y differente gift certificates, cortesia di nos companianan local. Tambe a tene un mini-auction, cu diferente pakete atractivo. Pa medio di esaki, e mesun participantenan a haña un oportunidad pa hasi nan contribucion adicional.
Durante e premiacion Rotary Club of Aruba a hasi entrega tambe di cheque na e diferente fundacionan, Sonrisa, Fundacion Hende Muher den Dificultad, Fundacion Ban uni un Man pa nos Muchanan y Cas Marie. Tur representante di e fundacionan aki a keda masha contento y agradecido cu e bunita gesto aki. E resto di e fondo cu a wordo recauda lo wordo reparti den e dianan venidero na otro organisacionan.
Presidente Gerardo Oduber a keda masha contento y satisfecho cu e fondo recauda un biaha mas e aña aki. Esaki ta danki na e trabao duro cu e comite organisador ta hasi. “Mi ta hopi orguyoso di e team aki cu a percura pa organisa un evento exitoso e aña aki atrobe. Tambe mi ta agradecido na e companianan cu a yuda nos e aña aki atrobe cu nan sponsorship”, Gerardo ta sigui comenta. “Tur esaki ta hasi posibel pa Rotary Club of Aruba sigui yuda esnan di mas necesidad den nos comunidad”.
A parte di e “Platinum Sponsors”, Rotary Club of Aruba kier a gradici e“Gold Sponsors” PMEC, NV Arubaanse Wegenbouw/ALBO, S & L Painting, Felipe Construction& Consultancy N.V., Total Services/Total Finance y JBT Systems; “Silver Sponsors”cualnan taUPS /Fast Delivery, Jet International/Universal, De Palm Tours, CHS Technical Services y General Air Servicesy tambe e 18 “Hole Sponsors”. Tambe na Ultimate Automobiles y Lexus / Garage Cordia cu un biaha mas a patrosina e posibilidad di dos “Hole-in-One”.
Un danki special ta bai na e patronisadornan riba e area di F&B, cu sin duda a contribui na un experiencia completo durante y despues di e evento:Divi& Tamarijn Aruba All Inclusive, Compra Ltd., Romar Trading/Johnny Walker,Aruba Trading/Fiji Water/Presidente y Tropical Bottling.
Rotary Club of Aruba kier a gradici un y tur cu e aña aki un biaha mas a deposita nan confiansa den e torneo aki. Na tur miembro di e comiteorganisador di RotaryGolf ytur otro miembro di Rotary y Rotaract Club of Aruba cu di un of otro manera a duna nan sosten, contribuyendo na un evento exitoso. Nos ta spera di conta cu boso sosten atrobe na 2018.
