Pa e prome minister Britanico, Theresa May e momento di berdad a yega. Awe merdia, su gabinete durante di un sesion di tres ora, lo dicidi riba e acuerdo definitivo di Brexit cu e lo kier cera cu Union Europeo. Prensa Ingles ta pronostica cu algun Minister lo baha. Dominic Raab por ehempel, kende a tira un bista di e acuerdo como e prome ayera nochi. El a trek un cara zuur despues cu el a bandona Downing Street.
Brexitonan formal, manera Boris Johnson y David Davis a laga sa cu nan no lo bay ta di acuerdo, pero nan no tey mas den e gabinete. E pregunta ta kico e Brexitonan sumiso lo bay haci. E struikelblok ta e asina yama backstop. Pa evita cu no lo bay tin un frontera fuerte entre Irlanda y Noord-Ierland, May lo kier wanta Reino Uni dentro di e union duanero. Pero kico ta definitivo?
E plan ta pa forma un comision Euro-Britanico, cu algun miembro independiente, cu ta dicidi ki ora e solucion emergente lo finalisa. Esey ta nifica cu e Britaniconan no ta liber pa sigui su propio curso. E miedo cu ta bibando cu un solucion temporal lo keda wordo manteni. Fuera di esey, e pregunta ta si partnership douanero sumamente complica lo bay surti.
E partner Nor Irlandes di e gobierno, DUP, tin dificultad cu e proximo controlnan extra den comercio entre Noord Ierland y e resto di Reino Uni. Sin e sosten di e Unionistanan, e lo bay ta mas dificil pa cera un acuerdo durante e luna den Parlamento.
E gabinete por obliga May regresa Brussel pa adapta e acuerdo. Ainda tin tempo pa esey, pero e pregunta si e representante di EU, Michel Barnier, ta dispuesto pa basha mas awa den e biña Frances.
Na Downing Street tabata tin manifestantenan pro-Brexit awemainta, cu tabata tin nan borchi halto hisa cu textonan manera “Theresa May: respect the 17,4 million’ y ’40 billion to be an EU colony: no thanks.’ Un memo divulga di e representante di EU, Sabine Weyand, ta para cu EU “ta keda cu tur control” a aumenta e repudio di e acuerdo proponi.
