Manera cu el a wordo presenta publicamente di parti di partido MEP y POR, no ta mira un rol pa partido AVP den formacion, segun prome minister Mike Eman. Ta mira un rol importante di partido AVP pa crea espacio pa informacion di e formacion eynan por tuma luga y AVP sigui cana su caminda como e partido mas grandi di Aruba, e partido cu durante e ultimo 8 añanan a cambia den un sentido grandi e futuro di nos pais y percura pa cuida locual nos tin como pais y e oportunidadnan cu nos tin, keda cuida tambe. Naturalmente AVP ta keda den un posicion hopi importante den e periodo aki, cu ainda tin e gobierno demisionario y ta carga e responsabilidad eynan den tur sentido y cu tur madures. Na e momentonan aki ta e partidonan cu a bisa publicamente cu nan ta exclui partido AVP. AVP a bisa, cu mirando esey tambe y mirando e dinamica di e resultado di eleccion, a bisa esnan cu tin cu forma e Gobierno, ta nan tin cu produci e ora e resultadonan di informacion.
E rol di AVP
E lenguahe cu a expresa despues cu e dos partidonan a expresa esaki. Di POR a bis’e hopi cla di tempran y despues di a scucha Wever-Croes, mas tempran durante dia di eleccion, a duna di biaha e espacio pa e partido cu a bisa cu no kier traha cu AVP, pero si kier traha hunto. Algo mas preocupante den e parti aki ta, cu algo asina por a mira caba prome cu eleccion, y no necesariamente den buskeda di un pensamento comun, pero si a mira cu personalidadnan di influencia, a presenta nan mes como e informadornan prome cu e eleccion. Esey ta algo cu pueblo di Aruba lo bay mira di cerca pasobra interes general semper tin cu prevalece ora di formacion di Gobierno pero sigur ora di gobernacion. Esey ta algo toch cu a bira noticia durante e ultimo simannan di eleccion y Aruba lo bay mira esaki di cerca.
AVP ta cla pa asumi e responsabilidad di e partido mas grandi di Aruba y cu lo keda carga su responsabilidad den tur posicion cu e partido aki a wordo confia cun’e door di e pais aki y unda cu tin cu recobra parti di e confiansa pa tin e mayoria absoluto atrobe. Lo bay traha hopi duro pa esey pasobra nan no ta kere den un Gobierno di 11 asiento cu e figuranan cu ta prominente den e gobierno ey, of cu nos ta mira y ta kere cu ta un desaster pa pais Aruba. Esey ta e resultado te awor aki di escogencianan cu a wordo haci. AVP ta bay haci su parti, dentro di su partido, e trabaonan grandi cu semper a haci di fundamenta pensamento y alanan cientifico cu ta bay traha plannan pa cualkier momento cu partido tin e confiansa mayoritario atrobe y cu pueblo wordo yama pa bay eleccion y por bisa cu manera e desaroyo ta na e momentonan aki y e factor politico cu a wordo poni riba mesa y e mayoria chikito cu tin pa esey, ta mustra cu ta hopi importante como partido politico pa ta prepara cu idea plan y team, pa cualkier momento por tin eleccion atrobe na Aruba. Locual nos ta mira na e forma cu e partidonan ta comunicando cu otro, e diferencianan di opinion cu tin, toch kier forma pero ta sinti e controversia.
