“Renobacion di partido ta sosodiendo awenochi,” asina lider di Partido di Pueblo Arubano a expresa ora di menciona candidato Gerlien Croes como number 4 riba e lista. Rond di 10’or di anochi e partido berde a presenta su lista pafo di Cas di Partido AVP na Playa rondona pa e candidatonan mes y simpatisantenan.
Despues di a number for di 29 bin abou, Eman a indica cu emocion cu esaki ta e lista di mas complica pa e por a traha, ya cu desde cu el a drenta arena politico, colega Sevinger tabata y e tabata back cu back, number 3 y 4 y despues number 1 y 2. “Nunca mi a soña cu lo bin un dia cu nos no lo ta back cu back cu number. Mi kier bisa si cu nos no ta back cu back den number, pero nos ta back cu back semper pa husticia y pa para persecucion politico.
Algun di e notanan mas resaltante for di e lista di AVP ta cu ex #2 Benny Sevinger awo ta riba ultimo number. Esaki relacion cu su envolvimento den un investigacion hudicial. Norman Roos, kende a bisa di no ta riba lista, toch ta aparece riba number 28. Abigail Arends ta un candidato cu pa prome biaha a scucha di dje ayeranochi. Politico nobo ta Clifford Heyliger ta haya #9, mescos cu Selene Kock na #8 y Ryçond Santos dos Nascimento na #5.
Carl Giel, kende a keda presenta algun dia atras, no ta aparece riba e lista. Eman a indica cu e, mescos cu Richard Arends cu a retira di politica, a manifesta nan boluntad firme di sigui apoya e partido den cada stap di e caminda pa eleccion.
E lista di AVP ta como lo siguiente:
29. Benny Sevinger
28. Norman Roos
27. Abigail Arends
26. Junior Croes
25. Juan Manuel Kelly
24. Jarissa Dubero
23. Conny Connor
22. Eduard Vos
21. Michael Lampe
20. Giovanni Arends
19. Gregory Bronswinkel
18. Wendrick Cicilia
17. Otami Thomasia
16. Desiree Croes
15. Muzaninn Wever
14. Melvin Tromp
13. Carlos Bermudez
12. Sharon Erasmus
11. Jennifer Arends-Reyes
10. Marlon Sneek
9. Clifford Heyliger
8. Selene Kock
7. Robert Candelaria
6. Mervin Wyatt-Ras
5. Ryçond Santos dos Nascimento
4. Gerlien Croes
3. Arthur Dowers
2. Mike de Meza
1. Mike Eman