Eric Ras ta lider nobo di partido CURPA

Partido CURPA  a tene un conferencia di prensa, unda cu ainda nan ta bezig cu yenamento di lista. E partido tin un lider nobo y nan ta sinti cu tin un chens e aña aki pa mustra nan habilidad y talento.
Awo ta den un temporada dificil, reto grandi, pero si tin amor grandi pa haci algo grandi p’e pais e ora bo ta dispuesto pa sacrifica y saca tempo p’esaki.

Conferencia di prensa di partido politico CURPA. Lansamento di candidato nobo riba lista.

Posted by 24ora on Thursday, May 6, 2021

Den pasado a haya nan mes stroba, pero awo a bin como soldaat. Nan a bin como homber prepara, homber convenci pa bay guera. Nan a bin cu cuater plan extra, di cual ta bin acerca riba esunnan di 2017 y lo warda un tiki mas prome cu trece nan dilanti.

Partido CURPA ta sinti cu nan plan ta esun miho pa economia.
E lider nobo di partido CURPA ta Eric Ras, kende ta sirbi Aruba pa 38 aña den Cuerpo Policial. A apunt’e como lider di partido y ta haci esey como placer pasobra e ta di pensamento cu mester bin un cambio. El a indica cu pueblo ta fada di mesun cos y no ta kere den gobernante mas.