Tabata algo pasa di 6:00pm cu capitan di e vuelo AV253 di e aerolinea Avianca, a bati alarma na toren di control di Aruba. E tabata bulando for di Punta Cana, Republica Dominicana pa Bogota, Colombia, ora cu un pasahero a haya un ataca celebral durante pleno buelo. A pidi y a haya autorisacion pa haci un aterisahe di emergencia na Aruba. E avion a biaha pa 7:10pm.
E avion no sa bula pa Aruba normal, ta trata aki di e avion modelo AV A330-200. Ta trata aki di un avion cu ta bulando pa 8 aña caba y sa realisa hopi buelo entre Brasil y Colombia. Riba e buelo di awe el a haye ta baha urgente na Aruba pa rasonnan medico.
Na momento cu e avion a baha, ya e ekipo medico di Aeropuerto tabata sperando riba dje, incluyendo ambulance pa transporta e pasahero pa Hospital.
Sa pasa mas biaha cu pasaheronan ta mira malo durante buelo y e capitan ta hay’e ta aterisa mesora na e aeropuerto mas cerca. Den e caso di awe a opta pa baha na Aruba.
E avion despues lo continua e buelo pa Bogota, Colombia, pa baha e demas pasaheronan den e avion.
