Varios tabata esnan cu a tuma contacto cu redaccion di 24ora.com pa alerta riba un situacion peligroso y di susto cu nan ta pasa aden na momento di yega caminda di Jaburibari.
For di ambos direccion e automobilistanan ta haya sorpresa di nan bida, na momento cu nan topa cu e verkeersplateau nobo aki. Esaki ta den oranan di anochi cu e visibilidad ta minimo. E caminda aki ta scur. Un banda e borchi di indicacion ta completamente tapa cu mapa y di e otro banda e ta asina scur cu ta te na momento cu yega cerca, ta topa e sorpresa cu tin un plateau.
Hopi ta e vehiculonan cu ta bula e rampa aki y ta ricibi daño. Comunidad ta pidi atencion di autoridad, gobierno y of esnan concerni pa actua mes ora prome cu algo mas serio tuma luga.
