Diadomingo mainta alrededor di 11:00 am, patruya a bin topa cu un Hyundai Accent color shinishi den vecindario di Spaans Lagoenweg. Pa un motibo of otro, polis lo a duna señal p’e auto para, cu a haci esaki debidamente.
Sinembargo, ora cu e agentenan a bay controla, a bin tuma nota cu e plach’i number riba e auto tabata uno falso, cu mesun colo y parecido na uno original. Asina a bay sigui cu e control y pa nan sorpresa tambe, e auto no tabatin ningun papel y e number no ta klop tampoco.
No a keda nada otro cu duna varios boet n’e chauffeur y tambe a confisca e auto pendiente mas investigacion.
E chauffeur mes a keda na pia. Ta importante pa nota cu si ta desea di core rond riba nos isla den auto, mester tin tur documento valido. Esaki ta conta tanto p’e vehiculo como p’e chauffeur.
