Diadomingo anochi alrededor di 7:15 pm a sosode un accidente basta fuerte rib’e caminda di Paradera. E accidente a sosode net dilanti di Paradera 117-P. Aki un auto marca Toyota estilo SUV color oro, numera A-60172 pa un motibo of otro a perde control y bay dal den un pal’i luz. E pal’i luz a kibra den dos pida, e wayanan di coriente tabata colga tanto riba caminda como riba e auto.
Pa siguridad, e habitantenan di e area a yuda saca e chauffeur for di e auto y pone sinta pafo rib’un pida banki. E accidente ta di un solo partido, pues no tabatin mas auto envolvi.
Debi na e accidente, a causa interupcion di coriente den e area di Bloemond, Tamarijn y Paradera. Polis a presenta pa atende cu e accidente y desvia trafico mientras personal di Elmar a percura pa e palo di luz y e wayanan di coriente.