Diadomingo anochi alrededor di 8:45 pm a sosode un accidente riba Green Corridor. Ta net dilanti e parada di bus despues di brug Fredis Refunjol direccion San Nicolas. Ta trata di un auto marca Chevrolet estilo hatchback color preto.
Locual ta remarcabel ta cu, ora polis a yega na sitio, a topa cu un auto cu cuater wiel den laira pero ya e chauffeur a huy for di sitio caba. E chauffeur a percura pa kita e plach’i number for di e auto prome cu bandona.
Parti memey caminda riba Green Corridor a sufri daño, personal di e compania responsabel a presenta pa atende cu ne mesora.
