Durante e pandemia e estadia di turista pa hotel tabata casi 0, pero e diferencia cu Timeshare Resort tabata tin algun huesped. Aruba tin dos resort di Timeshare cu semper tin hende ta keda. Despues cu frontera a habri nan a haya mas hende.
Luigi Heredia, presidente di Aruba Timeshare Association (ATSA), a bisa cu den timeshare por a mira den e parti di estadia tres biaha mas hopi cu hotel. E averahe di esaki di e hotelnan tabata di 7.5% pa 9%. Den e prome luna pa Timeshare Resort e averahe tabata di 35% di estadia.
Nan ta preocupa p’e di dos ola di e virus, pasobra ya caba por mira algun cancelacion. Tin miembresia di 44 aña y nan miembresia tin mas edad. Ora cu Aruba a habri, e tabata mustra manera un destinacion sigur, un luga sigur pa bin. Pero tur cos cu gobierno a haci, tur proceso haci pa por a yega na 0 caso y habri frontera a pone cu tur miembro kier bin bek. Awo cu tin mas di 600 caso activo, miembresia di Timeshare ta hopi preocupa. E miembresianan ta sinti cu Aruba no ta sigur manera antes. Nan ta asina preocupa cu ta evalua si ta bin bek of no.
Segun Heredia, algun ta bin bek pero algun no ta bin. E asociasion ta mira e siman aki con e prome siman di estadia tambe ta baha.
Semper cu gobierno haci negociacion cu Hulanda y ta haya yudansa, esaki ta yuda Timeshare pero no hopi. Esaki ta bin pa motibo cu Timeshare ta diferente. Tin diferente tipo di Timeshare, pero un timeshare manera Costa Linda Resort ta haya algo di e subsidio salarial y esaki no ta hopi.
Nan ta haya mas o menos 20% ya cu e miembresianan ta paga maintance fee. E unico cos cu ta afecta nan, ta e order income. E yudansa aki ta yuda nan, pero di otro banda ta mira cu e ta mas pa otro negoshi. Esaki ta bin pa motibo cu Timeshare ta esun mas bendiciona den e tempo ey, asina el a bisa.
