E decision no ta tuma ainda, mañan pa 11:30am lo bolbe reuni pa mira na kico por yega. Minister mes ta na mesa cu trahadonan y otro partnernan den e trabounan na Guarda nos Costa buscando solucion pa e detenidonan eyden y e trahadonan, cu ta sinti nan mes insigur pa traha bou di e circunstancianan aki. Pero tur cos ta mustra, cu Gobierno lo laga un otro grupo di bishitantenan indocumenta den “libertad temporal” pendiente reapertura di frontera cu Venezuela.
Na e momentonan aki cos no ta pintando mucho bon na Guarda nos Costa (Huis van Bewaring “) pa loke ta trata e personanan indocumenta cu ta cera den e dos unidadnan aki, algun di nan ya pa varios luna. Esaki sigur a causa disgusto no solamente cerca e trahadonan, pero tambe cerca e detenidonan mes, kende kier pa scucha nan. Nan kier bay nan pais bek, pero con. Gobierno a purba diferente biaha di haya avion militar na nivel diplomatico, pero cada biaha
no ta logra y ta causando na e momentonan aki e situacion cu kier a sacanan cu boto di Kustwacht na frontera topa cu nan y laga nan bay. Si Gobierno Venezolano mes no kier pa e hendenan aki yega e pais na un forma legal, con bo por mandanan, na forma ilegal?
Si pasa nan over y si algo bay robes, kico lo sosode? Aruba atrobe internacional cu mal nomber.
E situacion ta cu minister Andin Bikker ta evaluando hunto cu Ministerio Publico, pa yega na un forma cu e grupo cu ta indocumenta, no esunnan for di KIA cu a haya VI. E grupo particular aki cu tabata na FOL, a bay bek KIA. A trek in nan VI. E resto cu ta indocumenta, awor aki ta na Huis van Bewaring.
Algun di nan a bay Republica Dominicana pero tin e otro grupo cu ainda tey y ta esnan cu ta haciendo desordo. Nan kier sa kico ta bay haci. Si no tin manera pa manda nan, laga nan bay. A haci apelacion na minister y mirando cu nan ta un menasa y siguiente paso ta pa subi pista a dicidi di hala nan for di e sitio.
Ta un situacion basta fastioso. Lo evalua si lo laga e grupo aki bay y duna nan un meldingsplicht.
