Diadomingo marduga alrededor di 3:00 am a sosode un caso di atraco na Gio Burger na Tanki Flip. Aki ta caminda cu dos hende homber cu ta papia bon Papiamento a yega y pidi pa tur placa den caha. Un a keda pafo y e otro a drenta pa ranca e placa for di e propietario.
Segun Lito Lacle, vocero di Cuerpo Policial, a confirma cu a bay cu un poco mas di mil florin cash. E propietario no por a mira mucho cos, pues con nan ta bisti etc.
E echo ta si cu tin varios camara di siguridad den e area pa cual lo sigura cu Atraco Team pronto lo resolve e caso aki. Ta mira bek riba un marduga druk pa Cuerpo Policial.
