Tras e presentacion atendi na Universidad di Groningen, Minister Glenbert Croes a comparti su entusiasmo pa e idea cu Aruba por bira e prome hydrogen valley den Caribe, mescos cu Noord Holland ta e prome hydrogen valley na Europa. Aunke e ta algo cu lo tuma su tempo, ta confia cu ta trahando cu profesionalnan Hulandes cu ya a pasa den e proceso di crea e ecosistema completo.
“Nos a expresa e firme compromiso pa bay realisa e hydrogen valley na Aruba. Loke ta importante ta cu e mesun actornan cu a haci e hydrogen valley na Hulanda un realidad, ta esunnan cu nos ta pidiendo pa yuda nos set up e hydrogen valley na Aruba,” asina e mandatario a declara. Adicionalmente, a anuncia cu proximo aña lo tin un Caribbean Climate Conference na Aruba caminda, no solamente como reino ta bay compromete na un road map pa loke ta e obhetivonan di Acuerdo di Paris, pero ta bay pidi e paisnan di e region Caribe y America tambe pa compromete na e plan di accion aki.
Esun cu cuestiona pakico un pais chikito ta hinca su boca den asunto grandi mester realisa cu nos mester tin un boca grandi hunto cu ehempel, segun Minister Croes. “Pasobra si mundo fracasa den salba e clima, humanidad; minimalisa e daño na nos medio ambiente, na polucion, na emision di CO2; nos ta fracasa den mitiga e calentamento global y nivel di lama ta bay subi y islanan ta prome pa disparce.
Pa e relato completo, lesa edicion di TREMPAN
