Awe den oranan di atardi a drenta informacion di un atraco na e parcela Tanki Flip 34-A pero cu a resulta den uno fracasa. Segun diferente testigo, un persona color bruin cu cara tapa a yega na e adres menciona cu arma di candela pa atraca.
E dos hombernan presente na e adres a lucha cu e atracado y den e lucha aki un tiro a bay. E atracado a huy pero sin botin. E dos personanan na e sitio tabatin varios sla na curpa, principalmente na cabes y por a nota cu nan tabatin sanger na cara y cabes. Mientras cu ambulance a yega pa yuda e victimanan, e diferente unidadnan a plama rond en busca di e atracado cu a huy na pia. Den yerba a topa cu e muts.
A yega tambe cu K-9 Unit en busca di e arma di candela. Te na momento di redaccion no tabatin detencion. A atende cu e dos heridonan na e sitio mes y no tabatin mester pa transporta nan pa hospital.
