E atleta special Leewald Tromp tabata na Berlin pa e ‘World Games Special Olympics’ representando Aruba den e deporte di ‘Table Tennis’/ Ping Pong.
E la participa tanto den e categoria di ‘Doubles’ hunto cu su Zayen Orman y tambe Leewald a competi den ‘Singles’. Pa loke ta e categoria di ‘Singles’ Leewald a keda na di 5 lugar. Pa loke ta ‘Doubles’ Leewald hunto cu su partner Zayen Orman a haya medaya di brons.
Leewald a conta 24ora.com cu e ta hopi satisfecho cu su presentacion na Berlin. Algun di e weganan no a bay manera cu e tabata kier mirando cu e la prepara un strategia pero ora e wega a cuminsa esaki no a funciona. Esaki a hasi cu e no a logra gana tur wega. Un ehempel tabata e wega unda cu e la prepara pa hunga riba e ‘back hand’ di e contra-partido. Den hopi ocasion, e ‘backhand’ ta e parti debil di e hungando. Den e caso aki e hungado tabata hopi fuerte den ‘backhand’.
Pa Leewald ta importante pa Aruba ta presente den e eventonan di Special Olympics y e ta orguyoso di por representa Aruba.
