Diadomingo ultimo a tuma luga inauguracion di un expo na Ateliers ’89. E expo ta titula: Dios su artistanan den tempo di Covid (God’s artists in times of Covid). Aki ta caminda e creatividad di artistanan a wordo exponi. Tabatin diferente dignatario presente durante e exposicion aki.
Durante e discurso di prome minister demisionario, el a expresa cu: “Covid a trece retonan enorme desde maart 2020. Ciudadanonan di nos Pais a wordo forsa pa adapta y sacrifica, cada un di nos den nos propio manera. Sinembargo, Covid a forsa nos tambe pa ta mas creativo. Como un pais, artista y no artista, nos tur a mustra nos forsa creativo. Nos a encontra maneranan nobo pa deal cu e reto y limitacionnan cu e pandemia a forsa nos den dje.”
E prome minister demisionario a priminti cu arte lo ta un preriodidad grandi p’e proximo gobierno cu ta den formacion na e momentonan aki. “Por fabor, nunca stop di pinta. Nunca stop di crea bo arte. Nos tur tin mester di dje. Nos generacionnan di futuro tin mester nos creatividad”, asina prome mandatario demisionario a expresa na final. Elvis Lopez a presenta diferente obra creativo durante e exposicion aki.
