Manera a bira tradicion, e ultimo añanan, e asociacion di Arubianonan biba na Corsou, Asociacion Aruba Dushi Tera, lo conmemora y celebra Dia di Himno y Bandera di Aruba diadomingo awo 18 di Maart 2018 di forma festivo.
E dia lo cuminsa cu un Santo Sacrificio di misa na Parokia di Coromoto na Mundu Nobo pa 9’or di mainta, caminda lo subi bandera y canta himno di Aruba despues.
E celebracion ta sigui 4’or di atardi na Curaçao Airport Hotel cu un “Family Day Pool Party” cu animacion di e banda ‘D Edge 509′ y invitado di honor Reinier Lijfrock, y keda pendiente pa e invitado sorpresa directamente for di Aruba
Bar y kushina lo ta bon surtí cu entre otro platonan suculento Arubiano manera pisca cu pan bati y e famoso “saco” di e bario di San Nicolas. Entrada ta gratis y por haci uzo di e piscina di hotel tambe!
Asociacion Aruba Dushi Tera ta invita tur Arubiano y tur esnan cu ta stima e pais bisiña pa hunto nos pasa un dushi dia, celebrando himno y bandera di Aruba!
