Recientemente sr. Croes, director di Directie Wetgeving Aruba a huramenta un grupo di milicia di Aruba (Arumillers). E ceremonia di huramentacion a bay den forma virtual.
E grupo di Arumillers a termina e curso di ‘buitengewone agent van de politie’ (BAVPOL) cu exito. Como ‘BAVPOL-ers’ nan a ricibi e autoridad pa por haci investigacion di hechonan castigabel. E curso di BAVPOL tawata necesario pa haya mas conocemento y habilidad pa por ehecuta e trabounan riba lama como autoridad.
For di 2019 Wardacosta ta ricibi asistencia di Arumil den forma di un ‘langdurige bijstand’. E milicia di Aruba ta ehecuta e trabounan hunto cu nan coleganan di wardacosta durante di interceptacion di droga y control di botonan riba lama. Cu e asistencia di Arumil, wardacosta por eherce su trabounan di mantencion di ordo 24 ora pa dia durante 7 dia pa siman.
Wardacosta ta felicita e grupo di Arumil cu nan huramentacion y loke nan a logra.
