Aruba ta un di e prome mercadonan den Caribe pa ofrece IQOS, un producto di tabaco keinta, pa humado adulto.
IQOS ta un producto di tabaco keinta, cu ta fundamentalmente diferente di sigaria. IQOS ta e producto di riesgo reduci mas avansa desaroya pa Philip Morris International (PMI), e compania tras di e marcanan iconico manera Marlboro.
IQOS ta uza tecnologia sofistica pa keinta ‘sticks’ di tabaco specialmente diseña, comercialmente conoci como HEETS, eliminando huma di sigaria, shinishi y reduciendo holo.
Ciencia, tecnologia y innovacion tin un historia largo di mehora salud publico, di refrigera cuminda den siglo 19, a traves di seatbelt, airbag y otro innovacion te na aparato cu por yuda hende incapacita cana. Pakico no extende e principio aki pa aplica tecnologia nobo cu e meta di reduci riesgo di enfermedad relaciona cu humamento?
Humamento ta dañino. Esaki ta un hecho conoci. Pero hopi biaha hende no sa pakico. Hopi hende ta supone cu ta e nicotina cu ta haci humamento di sigaria dañino. Mientras e ta adictivo, de hecho expertonan ta di acuerdo cu ta e proceso di kimamento cu ta produci e kimiconan dañino reconoci como e causa primordial di enfermedad relaciona cu humamento.
Tecnologia di awendia ta permiti e desaroyo di un categoria nobo, innovativo di producto di riesgo reduci y liber di huma cu ta elimina o ta reduci den forma significativo kimiconan dañino aki, cu tur ta comparti un caracteristica comun: e ausencia di tabaco kimando.
Producto di tabaco keinta manera IQOS ta ehemplo di e categoria emergente y innovativo aki cu por ofrece alternativa hopi miho cu huma sigaria.
Ciencia, innovacion y tecnologia ta na curason di vision di Philip Morris International di convence tur esnan cu di otro manera lo continua cu humamento pa cambia pa producto liber di huma mas pronto posibel.
Producto liber di huma no ta liber di riesgo y e miho escogencia pa cualkier humado ta pa stop completamente cu tabaco y nicotina. Sin embargo, hopi no ta haci esey. PMI ta desaroya producto liber di huma, manera IQOS, pa e poblacion grandi aki.
Desde inicio di su programa liber di huma na 2003, PMI a contrata mas di 430 experto di ‘R&D’ (Research & Development), entre nan 300 cientifico altamente capacita, y a inverti $8.1 biyon pa desaroya, evalua y produci producto cu e potencial di ta significantemente menos dañino.
Na jul 2020, U.S. Food and Drug Administration (FDA) a anuncia su decision di autorisa IQOS como un producto di tabaco di riesgo modifica, cu informacion reduci di exposicion. E agencia a declara cu “e evidencia cientifico disponibel ta demostra cu e emision di un orden di modificacion di exposicion pa IQOS lo ta apropia pa promove salud publico y ta anticipa pa beneficia salud di e poblacion den su totalidad, tumando na cuenta tanto usuario di producto di tabaco como persona cu no ta uza normalmente producto di tabaco.”
FDA a autorisa mercadeo di IQOS na Merca cu e siguiente informacion: E sistema IQOS ta keinta tabaco pero no ta kim’e. Esaki ta reduci significativamente e produccion di kimico dañino y potencialmente dañino.
Estudionan cientifico a demostra cu cambia completamente di sigaria convencional pa e sistema di IQOS ta reduci significativamente exposicion di bo curpa na kimico dañino o potencialmente dañino.
Na henter mundo, mas di 17 miyon humado awor ta uzando IQOS y casi 13 miyon a cambia completamente. Pa mas informacion di IOQS bishita www.iqos.com & www.pmiscience.com.
Superior Tobacco Company N.V., un afiliado di Philip Morris International, recientemente a introduci IQOS na Aruba. IQOS y HEETs lo ta disponibel na humador adulto na Lings and Sons.
