Pasa di 12’or di anochi, polis a ricibi informacion di un caso di maltrato y menasa na Sero Patrishi. Aparentemente un homber lo a bati un dama cu un palo na Sero Patrishi y cu e lo ta arma cu un of mas arma di candela. Fuera di esey e lo a menasa e hendenan na e adres menciona.
A bay na e sitio y a topa cu un boter den man, kende a desmenti di lo ta envolvi den e caso di maltrato.
Un rato despues, polis a bolbe na e sitio, e biaha aki cu mas unidad, unda cu nan a bin topa e mesun homber aki cu un palo den man. E victima a confirma na polis cu e homber en cuestion ta esun cu lo a maltrat’e.
No a keda nada otro di detene e homber y confisca e palo. Transportwagen a presenta na e sitio y hiba e homber warda, unda cu e mester a aparece dilanti fiscal auxiliar pa e duna cuenta di su actonan.
