Siman pasa diahueps dia 3 di Mei Centro di Bario Brazil a organisa su di dos curso di CPR y Choking /Prome auxilio. Atrobe por a mira e interes den nos comunidad pa stilo di cursonan asina. Y un gran cantidad di interesado a yega na Centro di Bario Brazil pa e 2do curso.
Den apenas 3 siman ya Aruba ta conta cu 90 persona mas(algun di e cursistanan a yega di pasa e curso aki caba den pasado) den nos comunidad cu tin un base con pa yuda di un baby te cu hende grandi den caso di emergencia pa duna CPR y of Choking, te ora cu asistencia profesional yega, etc,.
Centro di Bario Brazil ta bay sigui organisa diferente curso, pa asina den nos comunidad tin mas hende prepara pa un of otro caso, na momento di necesidad. E siguiente grupo pa e curso ta e mayornan di e diferente schoolnan den bario. Un danki ta bay na e team di profesional cu a duna e curso especialmente na sra. Olga Tromp, un nurse di Hospital di mas cu 40 aña di experencia y sr. John Tromp di IMSAN, cu a encabesa e curso hunto cu mas profesional den ramo.
