Ayera Aruba Lionfish Foundation a termina cu e curso pa guia hobennan den comunidad, pa ora nan bay dive, pa nan tin nan licencia pa por guia otronan cu ta bay dive tambe y gara e pisca invasivo aki. Alex Vazquez, kende ta na cabes di Aruba Lionfish, a comenta cu a certifica un grupo di cuater hoben, cual ta e prome set cu a certifica pa jaag Lionfish. Nan a haya un licencia pa nan por dive sigur.
Na Aruba tin e problema di hende cu ta yega bay dive y no ta sigui cu e reglanan pa bo ta sigur. A bin cu e programa aki pa por implementa Safe Diving na Aruba pa e muchanan por ta sigur ora di bay dive y sigui jaago cu e causa di Aruba Lionfish y jaag pa e especie invasivo aki.
Alex Vazquez a gradici e instructor cu a yuda certifica e muchanan riba su mesun tempo y tambe Aruba Bobs cu ta yuda cu e gearsnan, tambe transporte y diferente trahado di Aruba Lionfish, kendenan tambe tin nan mesun instructor y dive masters cu ta yuda e fundacion voluntariamente riba nan propio tempo.
E populacion di Lionfish na Aruba a crece hopi y cada aña ta keda mantene. Ta sigui dive y ta jaag pa Lionfish. E hobennan cu a certifica ta di edad entre 13 y 21 aña y nan tin diferente actividad nan lo haci apart di jaag Lionfish.
Tambe ta lo bay scol, duna seminario y duna diferente programa di self development pa e muchanan por mehora nan mes como persona y ta miho lider den nos comunidad.
Actualmente nan tin diferente programa planea y na september tambe nan lo tin un stagiaire cu lo bin for di un universidad di Canada y lo bin yuda haci diferente programa na scol manera MAVO, HAVO, EPI y scolnan basico, pa inculca esaki den e les di e muchanan. Vazquez a sigui splica cu Aruba Lionsfish tin mas of menos cuater aña como fundacion. E programa particular aki tin casi un luna bayendo y awo a keda cla cu e prome set di e muchanan.
Alex Vazquez a gradici e instructor cu a yuda certifica e muchanan riba su mesun tempo y tambe Aruba Bobs cu ta yuda cu e gearsnan, tambe transporte y diferente trahado di Aruba Lionfish, kendenan tambe tin nan mesun instructor y dive masters cu ta yuda e fundacion voluntariamente riba nan propio tempo.
E logronan cual ta di Aruba Lionfish, contando cu nan tin mas tempo. E fundacion mes ta cuminsando cu e programanan y tin hopi meta cu nan tin nan dilanti. Nan ta trahando awor aki pa yega na dje.
