Aruba Bank ta anuncia cu orguyo un colaboracion strategico cu Sentoo, un metodo di pago interno di confiansa pa un miho comodidad di e cliente. E sociedad aki ta permiti pa e cliente di Aruba Bank uza sin niun problema Sentoo pa diferente transaccionnan online, incluyendo compra den webshop y pagonan a traves di links of QR code.
Sentoo ta debita di manera eficiente e transaccionnan den e cuenta di tur usuario di Aruba Bank, garantisando un proceso di pago sigur y senciyo. E integracion aki ta den su fase final y lo ta disponibel pa cliente di Aruba Bank den e proximo lunanan.
Innovacion den Pago Online
Sentoo ta ofrece solucionnan na vanguardia pa haci pagonan directo na compania y organisacionnan a traves di Online Banking. Cu conexion directo na Online Banking y e Mobile App di Aruba Bank, Sentoo ta simplifica e proceso di pago, mehorando e experiencia general di pago online pa e cliente di Aruba Bank.
“Na medida cu mas persona ta duna prioridad na e comodidad, Aruba Bank ta compromete pa ofrece solucionnan innovativo manera Sentoo. E colaboracion aki ta alinea cu nos compromiso di duna servicionan financiero eficiente y sigur”, Ramon Mas, Head of Corporate and Platinum Banking Aruba Bank N.V., a bisa.
Transaccion mas facil y rapido
Sentoo ta elimina e necesidad pa cliente tin cu bishita e sucursalnan of tin cu introduci di forma manual informacion di pago. E cliente di Aruba Bank pronto lo tin acceso na Sentoo sin registracion adicional y sin download un app, y no tin costo adicional asocia pa e consumido.
Transaccion Online di forma sigur
Pa e cliente comercial di Aruba Bank, e asociacion aki ta permiti pa nan registra cu Sentoo pa acepta pago online di un forma sigur. Sentoo ta ofrece solucionnan pa e comercio electronico, facturacion y donacionnan cu ta cumpli cu rekisitonan bancario estricto.
Vincent van Rutten, cofundador di Sentoo ta expresa hopi entusiasmo pa e colaboracion y el a bisa: “Nos ta hopi complaci di introduci esaki pronto na Aruba Bank. E asociacion aki ta refleha e reconocemento di Aruba Bank na Sentoo como un solucion alinea na e necesidad y expectativanan cambiante di e consumidornan.”
Pa mas informacion bishita https://sentoo.io
Pa mas informacion tocante Aruba Bank y Sentoo, y pa aplica, por fabor bishita www.arubabank.com/sentoo-for-business