The Wine Room den colaboracion cu Siete Pasas Viñedo di Chile, a hinca den otro un bunita mix di Merlot y Cabernet Sauvignon. E nomber ta E=MC2, cual ta e di dos nomber y nomber di Monrick Croes, propietario di The Wine Room.
E ta un biña cora, ful body, cu potencial di age den e boter pa mas di 10 aña. Ward’e na cas y aki 10 aña, bo habrie, ainda bo por beb’e. Den e biña tin dos sorto di druif, cual ta Cabernet Sauvignon y Merlot.
Cabernet ta un druif procedente di Francia, pero ta hay’e na Chile tambe. Mesun cos ta e caso di Merlot, cu ta un rasa Frances, pero obtenibel tambe na Chile.
E biña ta un consisti di 60% Cabernet Sauvignon y 40% Merlot cu ta traha e biña aki.
Loke ta haci e biña aki special ta cu e ta obtenibel na Aruba so y representa exclusivamente pa The Wine Room.
Por lo pronto E=MC2 lo ta obtenibel solamente na The WineRoom solamente, te ora cu nan por yega na un acuerdo cu e rebendedornan.
Propietario di The Wine Room, Monrick Croes ta invita e pueblo di Aruba pa bin purba bo E=MC2 den un ambiente cozy, agradabel, suave y relahante cu bo amigo-y famianan.
