Ambos team di futbol di Aruba a perde riba e prome dia di Copa ABC. Na Aruba e wega tabata entre e campeon nacional, SV Dakota contra e sub campeon di Corsou, SV Vesta. Aruba a perde 3-1. Na Boneiro e sub campeon di Aruba, Deportivo Nacional a hunga contra Real Rincon y a perde e wega cu score di 4-1.
Asina mes, e ekipo di SV Dakota lo hunga un wega mas otro weekend, pasobra el a keda na di 4 luga como e “miho perdedo” den e 6 ekiponan.
Basa riba e weganan di awenochi cu a tuma luga na Aruba, Boneiro y Corsou simultaneamente, lo determina cua ekipo lo hunga contra cua ekipo. E prome rond tabata 6 ekipo y 2 a cay afo y lo sigui cu 4 ekipo awo.
Deportivo Nacional awor a cay afo. Lo mester mira awo contra ken SV Dakota lo hunga otro fin di siman y si lo hunga na Corsou of na Boneiro. Aki dos siman lo ta e weganan final.
