Ayera merdia Ministerio Publico a duna ordo na Polis pa laga Andre Franken den libertad, mientras cu e investigacion den su contra ta continua. E ta un empleado publico na Warda nos Costa sospecha di corupcion, specificamente “Ambtelijke Corruptie”. E tabatin basta tempo caba suspendi, pa e mesun motibo aki, esta investigacion interno cu a pasa pa un investigacion penal.
Abogado mr. Chris Lejuez ta defende y a confirma su libertad ora el a yega su prome dianan den aresto preventivo na Warda di Polis. Fiscal mes no a pidi pa prolonga su detencion, pues no mester a bay KIA mes.
Kico ta e acusacionnan specifico of di cua caso special ta investigando no ta conoci. E hecho cu no a pidi prolongacion pa tene cera toch ta un indicacion cu e acusacionnan y pruebanan ta menos di locual husticia lo a imagina.
