Den fin di siman pasa a biaha un delegacion di futbol di damas pa Santo Domingo pa representa mos isla den e “CONCACAF Caribbean Women’s Qualifier 2018”. Manera ta conoci, Aruba siendo miembro di CONCACAF mester participa na e campeonatonan eliminatorio aki. E ekipo nacional di nos pais, forma pa mayoria Britannia y reenforsa pa 3 hungado di Riverplate, lamentablemente a perde mayoria wega.
E weganan tabata como lo siguiente:
- Dialuna: Cuba (11) vs Aruba (0)
- Diaranson: Anguilla (1) vs Aruba (2)
- Diabierna: Aruba (0) vs Puerto Rico (5)
- Diadomingo: Aruba (0) vs Rep. Dominicana (3)
E hungadonan a reclama riba red social cu AVB tabata na altura di e weganan eliminatorio aki di aña pasa caba, pero a cuminsa train e ekipo te cu 4 siman prome cu e weganan. Ta sinti discriminacion ora ta futbol di damas, pasobra si ta pa mucha homber nan lo a entrena sigur 3 luna.
Cu e resultado aki a demostra si cu e ekipo nacional di futbol di damas no a logra supera y alcansa un nivel internacional pa por a competi cu paisnan den Caribe. A gana 1 wega y a perde 3 cu score di 11-0, 5-0 y 3-0. Arubaanse Voetbal Bond lo mester reevalua e asunto aki masha di cerca!
