Tur cos a cuminsa alrededor di 8:15 pm ora cu un conocido di polis a agredi un señora lag’e seriamente herida atras n’un cas na Mahuma. Polis a presenta cu urgencia na Mahuma 12-A p’un caso di agresion. Na yegada di polis y e unidad di 24ora.com, a topa cu un señora bou yoramento riba vloer dilanti port’i cas. E tabata yora di dolor. Ey ta caminda cu e victima a conta polis cu Arshall Tromp a agredie y lag’e benta atras. E victima a bisa polis cu e agresor tin un arma di candela den su poder. A informa ambulance dibiaha di e situacion.
A activa tur polis den cercania pa cuminsa cu un buskeda pa sospechoso aki. Ta consider’e ‘vuurwapen gevaarlijk’ pa cual a avisa tur patruya pa tene extra cautela mirando cu e homber ta arma. No a dura mucho, cu riba Green Corridor, pa ta exacto na e parada di bus, a topa cu e Arshall Tromp. E polisnan no a pens’e dos biaha y a mand’e suela mesora y bay over na detencion. Un transporte policial a hib’e warda di polis caminda un subfiscal lo procesa su detencion. Na sitio, e polisnan a splica Tromp riba su derechonan. Tin tur indicacion cu a top’e cu e arma mirando cu a noticia e team forensico di polis pa presenta caminda a deten’e e sospechoso.
